لاہور (ڈیسک) لاہور ماڈل ٹاؤن کرکٹ گراؤنڈ سے قومی کرکٹر عمر اکمل کے 2 قیمتی موبائل فون چوری کرلیے گئے۔ پولیس نے موبائل فونز چوری کا مقدمہ درج کر کے تلاش شروع کردی۔ پولیس ترجمان کے مطابق واردات جمعرات کو ماڈل ٹاؤن سی بلاک کرکٹ گراؤنڈ میں ہوئی، چوری شدہ موبائل فونز کی مالیت 7 لاکھ 60 ہزار روپے ہے۔ کرکٹر عمر اکمل ایف آئی آر درج کرانے تھانہ ماڈل ٹاؤن پہنچے اور کزن عباس علی کی مدعیت میں مقدمہ درج کروایا۔