لاہور (ڈیسک) پاکستان کڈنی اینڈ لیور انسٹی ٹیوٹ میں روبوٹ کی مدد سے پہلی کامیاب سرجری کی گئی۔
پی کے ایل آئی پنجاب پبلک ہیلتھ سیکٹر میں روبوٹک سرجری کرنے والا پہلا اسپتال ہے۔
ترجمان پی کے ایل آئی کا کہنا ہے کہ ڈاکٹر ندیم بن نصرت نے پوری ٹیم کے ساتھ مل کر کارنامہ ممکن بنایا۔ روبوٹک سرجری کے چند گھنٹوں بعد بعد مریضہ گھر جانے کے قابل تھی۔
ترجمان کے مطابق روبوٹک سرجنز پروفیسر ڈاکٹر محمد ریحان اور پروفیسر ڈاکٹر ریاض حسین نے سرجری کی، دبئی، کراچی اور لاہور سے سی ایم آر سرجیکل ٹیموں نے سرجنز کو معاونت فراہم کی۔
اسپتال ترجمان کا کہنا ہے کہ پی کے ایل آئی میں 400 سے زائد لیور اور 500 سے زائد گردے کے ٹرانسپلانٹ کیے جاچکے ہیں۔