لاہور (ڈیسک) 9 مئی کو جناح ہاؤس میں توڑ پھوڑ کے الزام میں سابق آرمی آفیسر کے داماد کو گرفتار کرلیا گیا۔
پولیس کے مطابق گرفتار ملزم رضوان سابق آئی جی سندھ اور پنجاب میجر (ر) ضیاء الحسن کے بیٹے اور سابق آرمی آفیسر کے داماد ہیں۔
پولیس کا کہنا ہے کہ ملزم رضوان کو جناح ہاؤس کے باہر احتجاج اور توڑ پھوڑ کرنے کے الزام میں جیو فینسنگ سے لوکیشن سامنے آنے پر گرفتار کیا گیا ہے۔
پولیس کے مطابق ملزم رضوان ضیاء کے دیگر ساتھیوں کی گرفتاری کے لیے کارروائیاں جاری ہیں۔
یاد رہے کہ 9 مئی کی شرپسندی میں ملوث افراد کیخلاف آرمی ایکٹ اور سیکریٹ ایکٹ کے تحت کارروائی کا اعلان کیا گیا ہے۔