اسلام آباد (ڈیسک) حکومت نے جسٹس قاضی فائز عیسٰی کے خلاف کیوریٹو ریویو ریفرنس واپس لینے کی درخواست سپریم کورٹ میں دائر کردی۔
درخواست میں مؤقف اختیار کیا گیا کہ حکومت جسٹس قاضی فائز عیسٰی کے خلاف دائر اپیل واپس لینا چاہتی ہے اور اس کیس کی پیروی کرنا نہیں چاہتی۔
درخواست میں استدعا کی کہ انصاف کے تقاضے مدنظر رکھتے ہوئے مقدمہ واپس لینے کی اجازت دی جائے۔
یاد رہے کہ گزشتہ دنوں وزیراعظم شہباز شریف نے سپریم کورٹ کے سینئر جسٹس قاضی فائز عیسٰی کےخلاف کیوریٹیو ریویو ریفرنس واپس لینے کا حکم دیا تھا۔
بعدازاں وزارت قانون نے سمری صدر مملکت کو بھیجی تھی جس کی انہوں نے گزشتہ روز ہی منظوری دے دی تھی۔