لاہور (ڈیسک) لاہور ہائی کورٹ نے وفاقی وزیر سائنس و ٹیکنالوجی فواد چوہدری کو نااہلی کیس میں نوٹس جاری کرتے ہوئے جواب طلب کر لیا ۔
وفاقی وزیر سائنس اور ٹیکنالوجی فواد چوہدری کے نا اہلی کیس کی سماعت لاہور ہائی کورٹ میں ہوئی ۔دوران سماعت وکیل نے استفسار کیا فواد چوہدری نے الیکشن کمیشن سے اثاثے چھپائے اور جلہم کے زمین کو گوشواروں میں ظاہر نہیں کیا ۔
چیف جسٹس لاہور ہائی کورٹ نے عدالت کو سیاسی معاملات میں مداخلت کیوں کرنی چاہیے، مطمئن کریں، سیاسی معاملات سیاسی فورمز پرحل ہونے چاہیئں، میری عدالت نے ہمیشہ سیاسی کیس میں مداخلت کی حوصلہ شکنی کی۔
وکیل نے موقف اختیارکیا کہ فواد چوہدری صادق اور امین نہیں رہے جس پر چیف جسٹس نے کہا کہ کون سا انسان صادق اورامین ہوگا۔ وکیل نے کہا کہ جہانگیرترین کیس موجود ہیں جن میں نااہلی ہوئی جس پر چیف جسٹس نے کہا کہ ہم نے خواجہ آصف کونااہل کیا سپریم کورٹ نے بحال کردیا، مثال ہمارے سامنے ہے۔
عدالت نے فواد چوہدری کے خلاف نا اہلی کیس میں نوٹس جاری کرتے ہوئے جواب طلب کرلیا۔ عدالت کی جانب سے الیکشن کمیشن اوروزارت قانون کوبھی نوٹس کرتے ہوئے فریقین سے دو ہفتے میں جواب طلب کیا گیا ہے۔
