ممبئی (ڈیسک) بالی ووڈ کی مشہور زمانہ فلم ’3 ایڈیٹس‘ میں لائبریرین کا کردار ادا کرنے والے اکھل مشرا اب اس دنیا میں نہیں رہے ۔
اداکار نے فلم’3 ایڈیٹس‘ میں لائبریرین ’دوبے‘ کا کردار نبھایا تھا جوکہ آج بھی مقبول ہے۔
بھارتی فلمی دنیا کے سے ملنے والی اطلاعات کے مطابق فلم’3 ایڈیٹس‘ کے اداکار اکھل مشرا کی موت کی تصدیق ان کی اہلیہ سوزین برنرٹ نے کی ہے۔
ذرائع کے مطابق 58سالہ اکھل مشرا گزشتہ بلڈ پریشر کے مرض میں مبتلا تھے اور اسٹول پر بیٹھے کچن میں کچھ کام کر رہے تھے کہ اچانک پھسل گئے ۔
بھارتی میڈیا کی رپورٹ کے مطابق حادثے میں اداکار کے سر پر چوٹ لگنے سے خون بہنے لگا اُنہیں وہاں سے اُٹھایا گیا تو فرش پر بہت سا خون بہہ چکا تھا۔
رپورٹ میں بتایا گیا ہے کہ حادثے کے وقت اداکار کی اہلیہ سوزین برنرٹ شوٹنگ کے سلسلے میں حیدرآباد میں تھیں جو اطلاع ملتے ہی فوری طور پر اپنے گھر پہنچیں لیکن تب تک ان کے شوہر جان کی بازی ہار چکے تھے۔
اداکار اکھل مشرا کی لاش کو پوسٹ مارٹم کے لیے قریبی اسپتال بھجوا دیا گیا۔