پیرس (ڈیسک) فرانس کے دارلحکومت پیرس میں رنگا رنگ پیرس فیشن ویک اپنی پوری رعنائیوں کے ساتھ شروع ہو گیا۔
25ستمبر کو شروع ہونے والے پیرس فیشن ویک میں اس مرتبہ موسم بہار اور موسم گرما کے ملبوسات 2024کی نمائش کی جائے گی جس کے لیے دنیا فیشن کے 107برانڈ اپنی تمام تر تیاریوں کے ساتھ موجود ہیں۔
شو کے دوران 67رن ویز شو بھی ہوں گے جس کے لیے دنیا بھر سے فیشن اور شو بز انڈسٹریز کی سلبرٹیز اور فیشن ماڈلز نے اپنی ٹیموں کے ساتھ پیرس میں ڈیریے جما لیے ہیں ۔
شو کے دوران لوگ 25سال بعد ایک مرتبہ پھرپیری گارڈن کو ریمپ پر دیکھیں گے۔
فیشن کے دلدادہ لوگوں کو سب سے زیادہ انتظار بالمین شو کا ہے جس کے 50سے زیادہ ملبوسات جن کو انہوں نے پیرس فیشن ویک میں پیش کرنا تھا اس وقت چوری کر لیے گئے جب ان ملبوسات کو پیرس کے چالز ڈیگال ائر پورٹ سے بالمین کے ہیڈ کوارٹر لایا جا رہا تھا۔
بالمین کے کری ایٹیو ڈائریکٹر اولیور روسٹرنگ کو ان ملبوسات کے متبادل تیار کرنے میں بہت محنت کرنا پڑی۔
پیرس فیشن ویک میں اس مرتبہ سارہ برٹن نئے ولولے سے شریک ہیں جنہوں نے معروف فیشن برانڈ الگزینڈر میک کوئن کو خرید لیا تھا۔
پیرس فیشن ویک ہر سال لندن فیشن ویک ،نیویارک فیشن ویک اور میلان فیشن ویک کے بعد فورا شروع کیا جاتا ہے جس کی اس مرتبہ سب سے زیادہ دلچسپی کا مرکز گوچی کے نئے کری ایٹیو ڈائریکٹر سباتو ڈی سارنو ہیں جن کے تیار کردہ ملبوسات حال ہی میں ہونے والے فیشن شوز میں بے حد پسند کئے گئے ہیں۔
پیرس فیشن ویک میں موسم بہار گرما کر لیے سلیٹی ،باربی پنک اور آسمانی رنگ کے مختلف شیڈز پیش کیے جا رہے ہیں ۔