پیرس (ڈیسک) فرانس میں مکانات کے کرایوں میں اضافے کے باعث رہائش کے مسائل کا سامنا کرنے والے افراد کی تعداد 40 لاکھ سے تجاوز کر گئی ہے جب کہ بے گھر افراد کی تعداد 330 ہزار تک پہنچ گئی ہے۔
خبررساں ادارے کے مطابق فرانس میں قائم خیراتی ادارے ایبے پیئر فائونڈیشن نے 2022 میں ملک میں رہائش کے مسائل پر اپنی سالانہ رپورٹ شائع کی ہے۔
رپورٹ کے مطابق فرانس میں بے گھر افراد کی تعداد بڑھ کر 330 ہزار ہو گئی اور 10 سالوں میں اس شرح میں 130 فیصد اضافہ ہوا ہے جب کہ ان میں سے دو لاکھ کو ہنگامی رہائش گاہوں میں رکھا گیا ہے تو ایک لاکھ 10 ہزار کو عارضی پناہ گاہوں میں قیام پذیر ہیں تو ، 27 ہزار سڑکوں ، سب وے میں، خیموں میں یا کاروں میں سونے پر مجبور ہیں۔
فرانس میں گھر کا کرایہ اور بل وغیر جمع نہ کروانے والے افراد کی تعداد 12 ملین سے تجاوز کر گئی ہے۔2022 میں ملک میں تمام اشیا، خاص طور پر توانائی کی قیمتوں میں گزشتہ 30 سال کا غیر معمولی اضافہ دیکھا گیا ہے۔
فائونڈیشن کی گزشتہ سال کی رپورٹ میں کہا گیا تھا کہ فرانس میں بے گھر افراد اور رہائش کے منفی حالات کا سامنا کرنے والوں کی تعداد میں اضافہ ہوا ہے، اور میکرون کے دور کی پالیسیاں ناکافی ہیں۔