کوہستان (ڈیسک) پاکستان ڈیموکریٹک موومنٹ کے سربراہ مولانا فضل الرحمان نے کہا کہ پی ڈی ایم نے ڈنکے کی چوٹ پر عمران خان کو گریبان سے پکڑ کر اقتدار سے باہر نکالا۔ کوہستان میں جلسے سے خطاب کرتے ہوئے مولانا فضل الرحمان نے عمران خان کو مخاطب کرتے ہوئے کہا کہ تم نے جو کیا یہ اسی کا مکافات عمل ہے، تم اب بندگلی میں چلے گئے ہو ، تم آزادی نہیں بلکہ آوارگی چاہتے ہو۔ پی ڈی ایم سربراہ کا کہنا تھا کہ عمران دھمکی دیتا ہے کہ استعفے دے دینگے، تم نے پہلے بھی استعفے دیے تھے پھر دوبارہ اسمبلی میں واپس آئے یا نہیں آئے؟۔ مولانا فضل الرحمان نے کہا کہ عمران کہتا تھا کہ راولپنڈی جلسے میں  10 لاکھ لوگوں کو اکھٹا کرنے کا دعویٰ کرنے والا 10 ہزار لوگ بھی نہ لاسکا۔