لیہ (ڈیسک) چیئرمین پاکستان تحریک انصاف عمران خان کی بہن عظمیٰ خان کی لیہ میں زمین کی خریداری میں خورد برد کی چھان بین شروع کردی گئی۔
عظمیٰ خان نے لیہ میں 55 سو کنال اراضی خریدی، اس معاملے میں ہونے والی مبینہ خورد برد کی اینٹی کرپشن نے چھان بین شروع کردی ہے۔
ڈائریکٹر اینٹی کرپشن نے ریونیو آفس چوبارہ پر چھاپہ مار کر ریکارڈ تحویل میں لے لیا، ریکارڈ فراہمی میں حیلے بہانے پر پٹواری اصغر کو معطل کردیا گیا۔
تحصیلدار کے مطابق عظمیٰ خان نے اراضی انتقالات اپنے اور خاوند احد مجید کے نام پر درج کرائے۔
عظمیٰ خان نے اراضی مارکیٹ سے کئی گنا کم ریٹ پر بغیر قبضہ خریدی تھی۔