کراچی(ڈیسک)عمران بٹ اورنعمان علی نے ٹیسٹ ڈیبیو کرلیا۔ نیشنل اسٹیڈیم کراچی میں اکستان اور جنوبی افریقہ کے مابین کھیلے جارہے پہلے ٹیسٹ میچ میں قومی ٹیم میں شامل دوکھلاڑیوںعمران بٹ اورنعمان علی نے ٹیسٹ ڈیبیو کرلیا۔

پاکستان کرکٹ ٹیم کے کپتان یونس خان اور یاسرشاہ نے ڈیبیو کرنے والے کھلاڑیوں کو ٹیسٹ کیپ پہنائی۔پاکستان کی ٹیم میں عابد علی، عمران بٹ (ڈیبیو)،اظہر علی، کپتان بابراعظم،فواد عالم، محمد رضوان،فہیم اشرف، یاسر شاہ،حسین علی، نعمان علی(ڈیبیو) اور شاہین آفریدی شامل ہیں۔جنوبی افریقہ کی ٹیم میں ایڈن مارک ریم،ڈین ایلگر،فاف ڈپلیسی،راسی وینڈر سوزن،ٹیمباباوﺅما،کپتان کوئنٹن ڈی کوک،جورج لینڈی،کیشیومہاراج، کاگیسورابادا ،این رچ نارٹ جی اور لیونکری ناجی بی شامل ہیں۔ میچ کے آغاز کے قبل دونوں ٹیموں کے قومی ترانے بجائے گئے۔ یار رہے کہ پاکستان اور جنوبی افریقہ کرکٹ ٹیموں کے مابین 13 سال سے زائد عرصے کے بعد ٹیسٹ میچ کھیل جارہا ہے۔جنوبی افریقہ کی ٹیم پاکستان کے خلاف 2 ٹیسٹ میچ کھیلے گی جبکہ 3 ٹی ٹوئنٹی میچز کی سیریز بھی کھیلی جائے گی، جنوبی افریقہ ٹیم کی قیادت وکٹ کیپر بیٹسمین کوئنٹن ڈی کوک کررہے ہیں، دونوں ٹیموں کے مابین دوسرا ٹیسٹ میچ 4 فروری سے پنڈی کرکٹ اسٹیڈیم میں ہوگا جبکہ تین ٹی ٹونٹی انٹرنیشنل میچز کی سیریز قذافی اسٹیڈیم لاہور میں کھیلی جائے گی۔