اسلام آباد (ڈیسک) وزیراعظم محمد شہباز شریف نے کہاہے کہ آئی سی سی ایلیٹ پینل آف امپائرز سے دستبردارہونے والے امپائر علیم ڈار کی بین الاقوامی کرکٹ کے لیے شاندار خدمات قابل ستائش ہیں۔
اپنے ٹویٹ میں وزیراعظم محمد شہباز شریف نے کہاکہ امپائر علیم ڈار آئی سی سی ایلیٹ پینل آف امپائرز سے دستبردار ہو گئے ،بین الاقوامی کرکٹ کے لیے ان کی شاندار خدمات قابل ستائش ہیں۔
کھیل کے تمام فارمیٹس میں ان کی بے عیب امپائرنگ نے کرکٹ کی دنیا میں تعریفیں سمیٹیں۔
کرکٹ کے شائقین اور تمام پاکستانی ان کے پاکستانی ہونے پر فخر محسوس کرتے ہیں۔