لاہور (ڈیسک) چیئرمین تحریک انصاف عمران خان نے اپنے گھر کے سرچ وارنٹ کالعدم کرانے کے لیے انسداد دہشت گردی کی عدالت سے رجوع کر لیا۔
عمران خان نے درخواست میں کمشنر لاہور، ڈی سی لاہور سمیت دیگر کو فریق بنایا ہے۔
درخواست میں کہا گیا ہے کہ 18 مئی کو پولیس نے انسداد دہشت گردی عدالت سے سرچ وارنٹ حاصل کیے۔
متن کے مطابق پولیس و دیگر اداروں نے بدنیتی کی بنیاد پر میرے گھر کے سرچ وارنٹ حاصل کیے ہیں۔
درخواست میں استدعا کی گئی کہ عدالت 18 مئی کو جاری سرچ وارنٹ کالعدم قرار دے۔
عدالت نے نوٹسز جاری کرتے ہوئے پولیس و دیگر سے جواب طلب کر لیا۔