کراچی (ڈیسک) اداکارہ منشا پاشا نے کہا ہے کہ طلاق کے بعد زندگی بالکل تبدیل ہو جاتی ہے۔
اداکارہ نے کہا کہ شادی کے بعد دوسرے شخص اور افراد کے مطابق زندگی گزارنے کی عادت ہو جاتی ہے، ایسے میں اگر اچانک رشتہ ختم ہوجائے اور طلاق ہو جائے تو مشکلات بڑھ جاتی ہیں اور پھر عادتیں بدلنے میں بھی وقت لگتا ہے۔
پوڈ کاسٹ انٹرویو میں بات چیت کرتے ہوئے منشا کا کا کہنا تھا کہ طلاق کا فیصلہ زندگی کا مشکل ترین فیصلہ ہے، معاشرے میں بڑھتی ہوئی طلاق کی شرح دیکھ کر بہت سارے لوگ شادی نہیں کرتے کیونکہ وہ سمجھتے ہیں کہ شادی کے بعد طلاق ہی ہونا ہے تو یہ کام کیوں کیا جائے۔
پہلی شادی کی کی ناکامی پر بات کرتے ہوئے منشا پاشا کا کہنا تھا کہ انہوں کبھی نہیں سوچا تھا کہ شادی کا انجام یہ ہو گا، مجھے طلاق کے صدمے سےنکلنے میں 5سال لگ گئے۔
منشا پاشا کا مزید کہنا تھا کہ لوگ سمجھتے ہیں کہ شادی کے بعد طلاق ہی ہونا ہے۔ ایسی سوچ رکھ کر زندگی کو آگے بڑھنے سے روکنا بیوقوفی ہے۔
واضح رہے کہ منشا پاشا نے 2021میں سماجی کارکن جبران ناصر سے شادی کی تھی، منشا پاشا کے مطابق شادی سے قبل ان کے درمیان کئی سال سے دوستی تھی۔