راولپنڈی (ڈیسک) شمالی وزیرستان میں سکیورٹی فورسز کی کارروائی میں 6 دہشت گرد مارے گئے۔
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے شمالی وزیرستان کے ضلع دتہ خیل میں انٹیلی جنس بنیاد پر آپریشن کیا
آپریشن کے دوران فورسز اور دہشت گردوں کے درمیان فائرنگ کا تبادلہ ہوا جس کے نتیجے میں 6 دہشت گرد ہلاک ہوگئے، دہشت گردوں کے قبضے سے اسلحہ اور گولہ بارود بھی برآمد ہوا ہے۔
آئی ایس پی آر کے مطابق ہلاک دہشت گرد سکیورٹی فورسز اور شہریوں پر حملوں میں ملوث تھے،
آئی ایس پی آر کا کہنا ہےکہ مقامی لوگوں نے سکیورٹی فورسز کے ردعمل کو سراہا اور دہشت گردی کی لعنت کے خاتمے کے لیے مکمل تعاون کا اظہار کیا۔
شمالی وزیرستان میں آپریشن کے دوران جھڑپ، فورسز کے ہاتھوں 6 دہشت گرد مارے گئے
