You are currently viewing شمالی وزیرستان: فورسز کا آپریشن، 5 دہشتگرد ہلاک، ایک سیکیورٹی اہلکار شہید

شمالی وزیرستان: فورسز کا آپریشن، 5 دہشتگرد ہلاک، ایک سیکیورٹی اہلکار شہید

راولپنڈی (ڈیسک) شمالی وزیرستان میں سیکیورٹی فورسز نے خفیہ اطلاعات پر آپریشن کیا۔ آئی ایس پی آر کے مطابق سیکیورٹی فورسز اور دہشتگردوں کے درمیان شدید فائرنگ کا تبادلہ ہوا جس میں 5 دہشتگرد ہلاک ہوگئے۔ آئی ایس پی آر کے مطابق ہلاک دہشتگردوں کے پاس سے بھاری تعداد میں اسلحہ اور گولہ بارود برآمد ہوا۔ ہلاک دہشتگرد سیکیورٹی فورسز پر حملوں میں ملوث تھے۔ آئی ایس پی آر کے مطابق دہشتگردوں کی فائرنگ سے ایک سیکیورٹی اہلکار بھی شہید ہوا۔ آئی ایس پی آر کے مطابق شہید سپاہی ناصر خان کا تعلق جنوبی وزیرستان سے ہے۔ علاقے سے دہشتگردوں کے مکمل خاتمے کے لیے سرچ آپریشن جاری رہے گا۔

نیوز پاکستان

Exclusive Information 24/7