پشاور (ڈیسک) خیبر پختونخوا میں 9 اور 10 مئی کو شرپسندی کے واقعات میں ملوث 248 سرکاری ملازمین کی نشاندہی کی جاچکی ہے۔
پولیس کے مطابق ملازمین کا تعلق محکمہ تعلیم، صحت، پی ڈی اے سمیت دیگر محکموں سے ہے۔
ملازمین کی ویڈیو، تصاویر اور دیگر شواہد متعلقہ محکموں کے حوالے کردیئے گئے ہیں۔
پولیس کا کہنا ہے کہ پرتشدد احتجاج میں ملوث 30 سے زیادہ سرکاری ملازمین معطل کیے جاچکے ہیں۔
پرتشدد واقعات میں ملوث مزید سرکاری ملازمین کی نشاندہی کا عمل جاری ہے جس کیلیے خصوصی انویسٹی گیشن ٹیم تشکیل دی گئی ہے۔