کراچی (ڈیسک) پاکستان پیپلز پارٹی کی رہنما شرمیلا فاروقی نے پنک پیپلز بس چلاتے ہوئے اپنی سیلفی سوشل میڈیا پر شیئر کردی۔
حکومت سندھ کی جانب سے آج خواتین کی سہولت کے لیے خصوصی بس سروس کا آغاز کیا گیا، جس کا افتتاح وزیر ٹرانسپورٹ شرجیل انعام میمن نے خواتین کے ہمراہ کیا اس موقع پر شرمیلا فاروقی نے بس چلائی۔ شرمیلا فاروقی نے بس میں لی گئی سیلفی اپنے ٹوئٹر اکاؤنٹ پر شیئر کرتے ہوئے آج کے دن کو خواتین مسافروں کے لیے تاریخی قرار دے دیا۔ ان کا کہنا ہے کہ یہ بسیں کراچی کی خواتین کے لیے وقف کی گئیں ہے۔ انہوں نے مزید کہا کہ یہ پنک بس سروس بلاول بھٹو زرداری اور سندھ حکومت کا ایک زبردست اقدام ہے۔

پنک بس سروس کی افتتاحی تقریب سے خطاب کرتے ہوئے شرمیلا فاروقی نے کہا کہ پیپلز پارٹی نے اس سے قبل ویمن بینک کا قیام کیا، یہ وہ جماعت ہے جس نے خواتین کو ہمیشہ ترجیح دی ہے۔ شرمیلا فاروقی نے کہا کہ شرجیل میمن کی بیماری کے باوجود یہ کام نہیں رکا، آج پاکستان میں خواتین کے لیے یہ بس شروع کی جا رہی ہے۔