سکھر (نیوز ڈیسک) سکھر ملتان موٹروے پر تیز رفتار کار اور ٹرک میں تصادم کے نتیجے میں خاتون سمیت 4 افراد جاں بحق جبکہ ایک خاتون زخمی ہوگئیں۔
سکھر پولیس کے مطابق حادثہ سکھر ملتان موٹر وے ایم فائیو پر دادلو کے قریب پیش آیا جہاں ملتان جانے والی تیز رفتار کار بے قابو ہوکر ٹرک سے جا ٹکرائی۔
پولیس کے مطابق حادثے میں کار سوار خاتون سمیت 4 افراد موقع پر جاں بحق جبکہ ایک خاتون زخمی ہوگئیں۔
کار سوار افراد کی تاحال شناخت نہیں ہوسکی ہے تاہم زخمی اور لاشوں کو تعلقہ اسپتال پنوعاقل منتقل کردیا گیا ہے۔
سکھر، موٹروے پر کار اور ٹرک میں تصادم، خاتون سمیت 4 افراد جاں بحق
