ریاض (ڈیسک) سعودی عرب کے ولی عہد محمد بن سلمان نے اسلامی مملکت کی الیکٹرک گاڑیوں کا پہلا برانڈ (Ceer) متعارف کرادیا۔

غیر ملکی میڈیا کے مطابق سعودی عرب کے ولی عہد محمد بن سلمان نے سعودی عرب کی پہلی الیکٹرک گاڑیوں کے برانڈ کا اعلان کرتے ہوئے کہا کہ یہ نیا برانڈ ہے جو سعودی عرب کے آٹو موٹیو مینوفیکچرنگ سیکٹر میں اہم حصہ ڈالے گا۔ سعودی ولی عہد نے کہا کہ اس برانڈ کو پبلک انویسمنٹ فنڈ کے تحت لایا جا رہا ہے تاکہ اس شعبے سے منسلک لوگوں کی صلاحیت کو آگے لانے کے ساتھ معاشی ترقی کی طرف بھی بڑھا جا سکے۔ محمد بن سلمان کا کہنا تھا کہ ہم صرف نیا آٹو موٹیو برانڈ نہیں بنا رہے بلکہ نئی صنعت کاری کر رہے ہیں جو مقامی اور بین الاقوامی سرمایہ کاروں کو راغب کرے گا اور روزگار کے مواقع بھی فراہم کرے گا۔ غیر ملکی میڈیا کے مطابق ((ceer برانڈ کا ڈیزائن اور مینوفیکچرنگ سعودی عرب میں ہی کی جائے گی اور یہ گاڑیاں 2025 تک مارکیٹ میں دستیاب ہونگی۔