لاہور (ڈیسک) روس سے سستا خام تیل خریدنے کے لیے پاکستانی وفد ماسکو روانہ ہوگیا۔ ذرائع پیٹرولیم ڈویژن کے مطابق پاکستانی وفد کی قیادت وزیر مملکت برائے پیٹرولیم مصدق ملک کر رہے ہیں۔ ذرائع کے مطابق وفد میں سیکریٹری پیٹرولیم محمد محمود و دیگر حکام بھی شامل ہیں جو لاہور ایئر پورٹ سے ماسکو روانہ ہوئے ہیں۔ ذرائع کا کہنا ہے کہ پاکستان اور روس کے مابین پاکستان اسٹریم گیس پائپ لائن پر کام جلد شروع کرنے سے متعلق بھی بات ہو گی جس کا پرانا نام نارتھ ساؤتھ پائپ لائن تھا۔