اسلام آباد / ملتان (ڈیسک) سابق رکن قومی اسمبلی اور ایک سابق رکن صوبائی اسمبلی نے پاکستان تحریک انصاف کو خیرباد کہہ دیا۔
سابق ایم این اے ڈاکٹر حیدر علی نے سندھ ہاؤس اسلام آباد میں پی پی رہنما فیصل کریم کنڈی کے ساتھ پریس کانفرنس کے دوران پیپلز پارٹی میں شمولیت کا اعلان کردیا۔
ڈاکٹر حیدر علی 2018 کے الیکشن میں سوات سے پی ٹی آئی کے ٹکٹ پر رکن قومی اسمبلی منتخب ہوئے تھے۔
اس موقع پر فیصل کریم کنڈی نے ڈاکٹر حیدر علی کو خوش آمدید کہا ۔
دریں اثناء پی ٹی آئی کے سابق رکن پنجاب اسمبلی جاوید اختر انصاری نے بھی پارٹی چھوڑنے کا اعلان کیا۔
ملتان میں پریس کانفرنس کرتے ہوئے جاوید اختر نے کہا کہ 9 مئی کے واقعات کی بھرپور مذمت کرتے ہیں، ہم پر کوئی دباؤ نہیں، 9 مئی کے واقعات سے بہت تکلیف ہوئی، پاک فوج ہمارا فخرہے اور ہم اس کے ساتھ کھڑے ہیں۔