اسلام آباد (نیوز ڈیسک) کمسن گھریلو ملازمہ رضوانہ تشدد کیس میں سول جج عاصم حفیظ اب تک جوائنٹ انویسٹی گیشن ٹیم کے سامنے پیش نہیں ہوئے۔
ذرائع کا کہنا ہے کہ سول جج عاصم حفیظ کو جے آئی ٹی 5 بار طلب کرچکی ہے۔
جج عاصم حفیظ کا کہنا ہے کہ جب تک انہیں ہائی کورٹ کا تحریری حکم نہیں ملتا اس وقت تک وہ جے آئی ٹی کےسامنے  پیش نہیں ہوں گے۔
ذرائع کے مطابق جے آئی ٹی پہلے ہی رجسٹرار لاہور ہائی کورٹ کو جج کے شامل تفتیش ہونے کا لکھ چکی ہے۔
رجسٹرار لاہور ہائی کورٹ کی جانب سے بھی تاحال جے آئی ٹی کو کوئی جواب نہیں ملا۔