راولپنڈی (ڈیسک) عوامی مسلم لیگ کے سربراہ شیخ رشید نے دھمکی دی ہے کہ لال حویلی کی اب میں خود سیل توڑوں گا۔
انہوں نے لوگوں کی موجودگی میں لال حویلی کا وہ دروازہ کھولا جو سیل نہیں تھا۔ راولپنڈی میں میڈیا سے گفتگو میں شیخ رشید نے کہا کہ لال حویلی پر شب خون مارنے والوں کو ذلت کا سامنا کرنا پڑا ہے۔ انہوں نے کہا کہ عدالت نے کہہ دیا ہے کہ لال حویلی شیخ رشید کی ملکیت ہے، باقی یونٹس کا فیصلہ 15 دن میں ہو گا۔ سابق وفاقی وزیر نے لوگوں کی موجودگی میں لال حویلی کا وہ دروازہ کھولا جو سیل نہیں تھا اور اعلان کیا کہ لال حویلی کی اب میں خود سیل توڑوں گا۔ اس موقع پر شیخ رشید نے کہا کہ پشاور دھماکے میں شہید ہونے والوں کےلیے دعا گو ہوں، پاکستان میں سب کچھ منصوبہ بندی کے تحت ہو رہا ہے۔