راولپنڈی (ڈیسک) انسداد دہشت گردی کی عدالت نے 9 مئی کو جلاؤ گھیراؤ اور جنرل ہیڈ کوارٹرز پر حملے میں نامزد 8 ملزمان کو وملٹری کورٹس کے حوالے کرنے کی منظوری دیدی۔
اے ٹی سی میں ڈپٹی پراسیکیوٹر جنرل ملک رفاقت علی کی جانب سے دائر کردہ درخواست کی سماعت ہوئی۔
سماعت کے بعد عدالت نے نامزد 8 ملزمان کوملٹری کورٹس کے حوالے کرنے کی استدعا منظور کرلی۔
ملزمان علی حسن، لال شاہ، شہریار ذوالفقار، فرہاد خان پر تھانہ سول لائن میں مقدمہ درج ہے جبکہ ملزمان ادریس، عمر فاروق، راجہ احسان اور عبداللہ کے خلاف تھانہ آرے بازار میں مقدمہ درج ہے۔
آٹھوں ملزمان اڈیالہ جیل راولپنڈی میں قید ہیں۔
قبل ازیں جناح ہاؤس لاہور، مردان اور پشاور میں فوجی تنصیبات پر حملوں میں ملوث ملزمان کو بھی آرمی ایکٹ کے تحت ٹرائل کیلیے ملٹری کورٹس کے حوالے کیا جا چکا ہے۔