میر پور (نیوز ڈیسک) دوسرے ون ڈے انٹرنیشنل میچ میں بنگلادیش ویمن ٹیم نے پاکستان ویمن کو سپر اوور میں شکست دے دی۔
میرپور میں کھیلے گئے دوسرے ون ڈے میں بنگلادیش کی کپتان نگار سلطانہ کی ففٹی کی بدولت ٹیم نے 9 وکٹوں پر 169 رنز بنائے، فرزانہ حق نے 40 رنز کی اننگز کھیلی۔
سعدیہ اقبال اور نشرہ سندھو نے دو، دو وکٹیں حاصل کیں جبکہ ندا ڈار، ڈیانا بیگ اور ام ہانی نے ایک، ایک کھلاڑی کو پویلین کی راہ دکھائی۔
ہدف کے تعاقب میں صدف شمس اور سدرہ امین نے 41 رنز کی بنیاد رکھی، سدرہ 22 رن بنا کر آؤٹ ہوئیں، بسمہ معروف کوئی رن نہ بناسکیں، پھر صدف نے 29 اورعالیہ ریاض 21رنز بنا کر آؤٹ ہوئیں، ندا ڈار نے 27 رنز کی اننگز کھیلی۔
ارم جاوید 15 اور ناجیہ علوی 22 ، ڈیانا 14، ام ہانی نے 11 رنز بنا ئے، نشرہ اور سعدیہ نے اسکور برابر کر دیاتاہم وننگ کی کوشش میں نشرہ رن آؤٹ ہوگئیں اور میچ ٹائی ہوگیا۔
بعدازاں سپر اوور میں پاکستان نے 7 رنز بنائے، بنگلا دیش نے ہدف آخری گیند پر حاصل کر کے میچ اپنے نام کر لیا۔