اسلام آباد (ڈیسک) صدر مملکت ڈاکٹر عارف علوی نے کہا ہے کہ بغیر رقم خرچ کیے صرف دانتوں کی صفائی سے ملک سے منہ کی بیماریوں کا خاتمہ ممکن ہے۔
پیر کو منہ کی صحت کے عالمی دن کے موقع پر قوم کے نام پیغام میں انھوں نے کہا کہ منہ کی 95 فیصد بیماریوں کی روک تھام کی جاسکتی ہے، صدر مملکت نے کہا کہ اسلام میں طہارت یا صفائی کو نصف ایمان قرار دیا گیا۔
اسلام میں طہارت یا صفائی کو نصف ایمان قرار دیا گیا ہے، حضورﷺ منہ اور دانتوں کی صفائی کا کثرت سے اہتمام کرتے تھے، صحیح بخاری میں تقریباً 21 احادیث میں منہ کی صفائی اور مسواک کا ذکر ہے۔
ڈاکٹر عارف علوی نے لوگوں پر زور دیاکہ وہ دن میں دو مرتبہ مسواک یا برش سے دانتوں کو اچھی طرح صاف کریں، اس سے بیماریوں سے دور رہنے کے ساتھ ساتھ صحت بھی بہتر رہے گی۔
صدر مملکت نے کہا کہ منہ کی بیماریوں کا علاج مشکل اور مہنگا ہوتا ہے، بغیر رقم خرچ کیے صرف دانتوں کی صفائی سے ملک سے منہ کی بیماریوں کا خاتمہ ممکن ہے۔
انہوں نے کہا کہ سپاری اور چھالیہ منہ کے کینسر کا باعث ہیں اس لئے لوگ ان سے اجتناب کریں۔