بنوں / شمالی وزیر ستان (نیوز ڈیسک) خیبر پختونخوا میں سکیورٹی فورسز نے کارروائی کرتے ہوئے فوجی قافلے پر خودکش حملے میں ملوث 8 دہشت گردوں کو ہلاک جبکہ 5 دہشت گردوں اور سہولت کاروں کو گرفتار کرلیا۔
پاک فوج کے شعبہ تعلقات عامہ (آئی ایس پی آر) کے مطابق بنوں کے علاقے جانی خیل اور شمالی وزیرستان میں آپریشن خفیہ اطلاع پر کیے گئے۔
آپریشن کے دوران 8دہشت گردوں کو ہلاک جبکہ 5 دہشت گرد وں اور ان کے سہولت کاروں کو گرفتار کرلیا گیا۔
آئی ایس پی آر نے کہا کہ جانی خیل میں سکیورٹی فورسز اور دہشت گردوں میں فائرنگ کا شدید تبادلہ ہوا۔
دہشت گرد جانی خیل میں فوجی قافلے پر موٹرسائیکل سوار خودکش حملے کے سہولت کار تھے۔
یاد رہے کہ 31 اگست 2023 کو ہوئے خودکش حملے میں 9 فوجی جوان شہید ہوئے تھے۔