اسلام آباد (ڈیسک)  وفاقی وزیر اور ترجمان پاکستان پیپلز پارٹی شازیہ مری نے کہا ہے کہ حقیقت سامنے آچکی ہے کہ عمران نیازی کس کھیت کی پیداوار ہے۔
اسلام آباد سے جاری بیان میں شازیہ مری نے کہا کہ لاڈلہ جیل گیا نہ ہی اس سے ابھی تفتیش ہوئی لیکن سہولت کار تڑپ اٹھے ہیں۔
انھوں نے کہا کہ لاڈلے کی فریاد پر رونا دھونا کرنے کی بجائے ان کے کرتوت کیوں نہیں دیکھتے؟۔
ترجمان پیپلز پارٹی نے مزید کہا کہ سازش کا بیانیہ بنانے والا خود بڑا سازشی نکلا، ممنوعہ فارن فنڈنگ کے اثرات سامنے آچکے ہیں۔
انہوں نے کہا کہ حقیقت سامنے آچکی ہے کہ عمران نیازی کس کھیت کی پیداوار ہے، ثابت ہوچکا کہ سائفر من گھڑت کہانی تھی۔