لاہور (نیوز ڈیسک) تحریک انصاف کے صدر پرویز الٰہی کے واش روم میں گرنے کے باعث فریکچر کا انکشاف ہوا ہے۔
لاہور کی اینٹی کرپشن کورٹ کے جج ارشد حسین بھٹہ نے پنجاب اسمبلی میں غیر قانونی بھرتیوں کے مقدمے کی سماعت کی۔
اس دوران اڈیالہ جیل کے ڈپٹی سپرنٹنڈنٹ نے پرویز الٰہی کی میڈیکل رپورٹ پیش کی۔
ڈپٹی سپرنٹنڈنٹ جیل نے عدالت کو بتایا کہ پرویز الٰہی 17 مارچ کو واش روم میں گرگئے تھے جس سے ان کو فریکچر ہوا ہے۔
بعدازاں عدالت نے ملزمان کی تعداد پوری نہ ہونے پر فرد جرم عائد نہیں کی۔
عدالت نے فرد جرم کے لیے ملزمان کو آئندہ سماعت پر طلب کرلیا۔
عدالت نے کیس پر مزید سماعت 4 اپریل تک ملتوی کردی۔
جیل واش روم میں گرنے سے پرویز الٰہی کو فریکچر ہونے کا انکشاف
