You are currently viewing جنگل کے بندروں سے ڈرنے والے نہیں، بلاول بھٹو زرداری

جنگل کے بندروں سے ڈرنے والے نہیں، بلاول بھٹو زرداری

اسلام آباد (نیوز ڈیسک) چیئرمین پاکستان پیپلز پارٹی بلاول بھٹو زرداری کا کہنا ہے کہ اپوزیشن ممبران ایک نہتی لڑکی آصفہ بی بی سے ڈرتے ہیں۔
میڈیا سے بات چیت کے دوران بلاول بھٹو زرداری نے کہا کہ پاکستان پیپلز پارٹی نے کل تاریخ رقم کی، صدر آصف علی زرداری نے ساتویں بار پارلیمنٹ سے خطاب کیا۔
ان کا کہنا ہے کہ صدر زرداری نے ملک کو عوامی اور معاشی حالات سے نکالنے کے لیے روڈ میپ دیا، اپوزیشن اپنا ذاتی فائدے نکالنے میں لگی ہے، بد قسمتی سے اپوزیشن نے اپنی ایک الگ تاریخ رقم کی۔
بلاول بھٹو زرداری نے کہا کہ پارلیمانی دائرے میں اپوزیشن کی تنقید کو ویلکم کرتے ہیں، اسپیکر نے کل کے احتجاج پر آج ایک فیصلہ کیا ہے۔
انہوں نے کہا کہ ہم آمرو ں کے مقابلے کرتے ہیں، جنگل کے بندروں سے ڈرنے والے نہیں، جمہوری انداز میں تمام غیر جمہوری قوتوں کا ڈٹ کر مقابلہ کیا ہے۔
چیئرمین پی پی پی بلاول بھٹو زرداری کا یہ کہنا ہے کہ سیاست آپ کا حق ہے مگر خارجہ پالیسی پر سب کو ایک ہونا چاہیے، تمام انفرااسٹرکچر کو انوائرمنٹ فرینڈلی بنانا ہوگا۔

Staff Reporter

Rehmat Murad, holds Masters degree in Literature from University of Karachi. He is working as a journalist since 2016 covering national/international politics and crime.