اسلام آباد (ڈیسک) اسلام آباد ہائی کورٹ نے جعلی اکاؤنٹس کیس میں سابق صد ر آصف علی زرداری کی حفاظتی ضمانت منظور کرلی ہے ۔
اسلام آباد ہائی کورٹ میں جعلی اکاؤنٹس کیس کے سابق صدر آصف علی زرداری نے حفاظتی ضمانت کی درخواست دی اور استدعا کی کہ حفاظتی ضمانت پر آج ہی سماعت کی جائے۔ درخواست میاں گل حسن اورنگزیب کے سامنے سماعت کے لیے مقرر کی گئی۔ جسٹس میاں گل حسن اورنگ زیب نے ان چیمبر سماعت کرتے ہوئے آصف زرداری کی حفاظتی ضمانت منظور کرلی۔
واضح رہے کہ گزشتہ روز منی لانڈرنگ کیس میں عدالت نے مفرور ملزمان کے ناقابل ضمانت وارنٹ گرفتاری جاری کیے تھے جن میں سابق صدر اور پیپلزپارٹی کے شریک چیئرمین آصف علی زرداری بھی شامل ہیں۔ عدالت نے ملزمان کو 4 ستمبر تک گرفتار کرکے پیش کرنے کا حکم دیا تھا
