اسلام آباد (ڈیسک) وزیر اعظم شہباز شریف نے ترکیہ اور شام میں شدید زلزلے سے ہونے والے نقصانات پر اپنے افسوس اور رنج و غم کا اظہار کیا ہے۔
زلزلے میں قیمتی انسانی جانوں کے ضیاع پر وزیر اعظم نے شدید دکھ کا اظہار کرتے ہوئے اظہار تعزیت کیا ہے۔
اپنے بیان میں وزیر اعظم شہباز شریف نے کہا کہ برادر اسلامی ملک ترکیہ میں زلزلے پر پاکستان ترک عوام کے ساتھ ہے۔
پاکستان ترکیہ کی ہر ممکن مدد کرے گا، ترکیہ نے بھی ہر مشکل گھڑی میں ہمیشہ پاکستان کی مدد کی ہے۔
پاکستانی عوام ترکی میں آنے والی ناگہانی آفت کے باعث جانی اور مالی نقصان پر نہایت دکھ کی کیفیت میں ہیں۔