دوحا (ڈیسک) فٹ بال کی دنیا کے سرخیل برازیل نے تاریخ رقم کر دی، سوئٹزر لینڈ کے خلاف میچ جیت کر برازیل نے فیفا ورلڈکپ میں نئی تاریخ رقم کردی۔
فیفا ورلڈکپ 2022کے گروپ میچ میں برازیل نے سوئٹزرلینڈ کو 0-1 سے شکست دے دی اور راؤنڈ آف 16 مرحلے کے لیے خود کو اہل قرار دلوا لیا۔ میچ جیتنے کے ساتھ ہی برازیل فٹبال کی دنیا کا تاریخ ساز ملک بھی بن گیا۔
برٹش براڈکاسٹنگ کارپوریشن (بی بی سی) کی ایک رپورٹ کے مطابق برزایل ورلڈ کپ کی واحد ٹیم ہے مسلسل 17 گروپ مقابلوں میں دنیا کی کوئی ٹیم شکست نہ دے سکی۔ 2002 اور 2006میں برازیل کی ٹیم نے تینوں گروپ میچز میں کامیابی حاصل کی جبکہ2010، 2014اور 2018میں دو دو میچز جیتے البتہ ایک ایک میچ برابر رہا۔
رواں سال 2022 کے ورلڈ کپ میں بھی برازیل نے پہلے میچ میں سربیا کو 0-2 جبکہ دوسرے میچ میں سوئٹزر لینڈ کو 0-1 سے شکست سے دوچار کرتے ہوئے اعزاز اپنے نام کیا تھا۔