اسلام آباد (ڈیسک) وفاقی حکومت نے بے نامی ایکٹ 2017 فعال کرتے ہوئے ٹیکس چوری، کرپشن اور مالی فراڈ میں ملوث افراد کے خلاف سخت کارروائی کا فیصلہ کرلیا۔
ذرائع کے مطابق وفاقی کابینہ نے وزارت قانون کی سمری کی منظوری دیتے ہوئے بے نامی ایکٹ 2017 کو فعال کردیا۔ ذرائع کے مطابق وفاقی حکومت نے اسلام آباد سمیت چاروں صوبائی ہائی کورٹس سے تعاون حاصل کرلیا ہے، بے نامی ایکٹ کے تحت ٹرائل کے لیے عدالتوں کو خصوصی اختیارات دینے کا فیصلہ کیا گیا ہے۔ ذرائع کے مطابق وزارت قانون نے خصوصی عدالتوں کے لیے چیف جسٹس صاحبان سے رجوع کیا اور نامزد کردہ نمائندوں کو خصوصی اختیارات بھی دے دیئے گئے ہیں۔