اسلام آباد (ڈیسک) سینئر حریت رہنما یاسین ملک کی اہلیہ مشعال ملک نے کہا ہے کہ بھارت یاسین ملک کو ڈیتھ سیل میں قتل کرنے کی سازش کر رہا ہے،یاسین ملک کیس میں انصاف کے تقاضے پورے نہیں کیے جا رہے۔
اسلام آباد بار کونسل میں تقریب سے خطاب کرتے ہوئے انہوں نے کہاکہ یاسین ملک بھارتی حکومت نے غیر قانونی حراست میں رکھا ہے، مقبول بٹ کو تہاڑ جیل میں قتل کیا گیا، یاسین ملک کو تہاڑ جیل کے ڈیتھ سیل میں رکھا گیا ہے، بھارت یاسین ملک کو ڈیتھ سیل میں قتل کرنے کی سازش کر رہا ہے، یاسین ملک کیس میں انصاف کے تقاضے پورے نہیں کیے جارہے۔
انہوں نے کہاکہ بھارتی نام نہاد جمہوریت یاسین ملک کو عدالت میں پیش تک نہیں کر رہی،عدالت یاسین ملک کو سننے کا حق تک نہیں رہی۔
مشعال ملک نے کہا کہ دنیا میں کوئی ملک ایسا نہیں جہاں انصاف کا قتل اس طرح کیا جائے،پاکستانی وکلا سے درخواست ہے وہ یاسین ملک کیس کو اسٹڈی کرے،یاسین ملک کیس کو عالمی عدالت میں لڑنے کی ضرورت ہے، بھارت کشمیریوں کا قتل عام جاری رکھے ہوئے ہے، بھارتی عدالتیں کشمیریوں کو انصاف فراہم نہیں کر رہی۔
مشعال ملک نے کہا کہ کشمیر میں ہر روز انصاف کا قتل ہوتا ہے،افضل گورو کو صرف اس لیے پھانسی دی گئی،کیونکہ وہ کشمیری تھے،جو کشمیری بندوق کے زور پر خاموش نہ ہوا اسے عدالت کے زریعے قتل کروا دیا گیا۔
مشعال ملک نے کہا کہ بھارت مسلسل کشمیریوں پر ظلم و ستم جاری رکھے ہوئے ہے، کشمیر میں مودی نہتے کشمیریوں کا قتل عام کر رہا ہے۔
مشال ملک نے کہا کہ ایک پرائیویٹ فرم نے بتایا ہے کہ دوہزار لوگوں کا ڈیٹا جمع کیا ہے جن کو مارا گیا ہے،پاکستانی سیاستدانوں کو اس پر قوم کی طرح نکلنا ہوگا،کشمیر کی آزادی کے لیے پاکستانی حکومت کو آگے آنا ہو گا۔