اسلام آباد (ڈیسک) بھارت نے پاکستان بلائنڈ کرکٹ ٹیم کو ویزے جاری کرنے سے انکار کردیا۔ پاکستان بلائنڈ کرکٹ کونسل (پی بی سی سی) کے مطابق بھارت کی جانب سے ویزہ اجراء سے انکارپر مایوسی ہوئی ہے۔پی بی سی سی کا کہنا ہے کہ پاکستان کرکٹ ٹیم ورلڈ کپ جیتنے کی مضبوط امیدوار تھی۔ پاکستان بلائنڈ کرکٹ ٹیم نے ٹی ٹوئنٹی ورلڈ کپ میں شرکت کرنا تھی اورٹیم کو اتوار کو بھارت روانہ ہونا تھا۔ بلائنڈ کرکٹ ورلڈ کپ 5 تا 17 دسمبر کھیلا جائے گا ۔ واضح رہے کہ پاکستان کی بلائنڈ کرکٹ ٹیم دو مرتبہ رنرز اپ رہ چکی ہے۔