ڈھاکہ (ڈیسک)بنگلہ دیش کی حکومت نےعوام کاگھروں سے باہر ماسک پہننے کو یقینی بنانے کے لیے موبائل کورٹ مہم چلانے کا فیصلہ کیا ہے۔

چینی خبر رساں ادارے کے مطابق ترجمان خندکر انوارالاسلام نے یہ اعلان وزیر اعظم شیخ حسینہ کی زیرصدارت کابینہ کے اجلاس کے بعد کیا ہے۔

ترجمان کا کہنا تھا کہ انہوں نے پہلے سے ہی متعلقہ حکام کو موبائل کورٹ آپریشن چلانے کی ہدایت کی ہے تاکہ کورونا وائرس کی دوسری لہر کے دوران چہرے کے ماسک کےاستعمال سے متعلق حکومتی حکم پر عمل کرانے کو یقینی بنایا جا سکے۔ کورونا وائرس کے وبائی امراض کے پیش نظرگذشتہ ماہ تمام سرکاری اور نجی اداروں ، بازار کی جگہوں اور دیگر عبادت گاہوں پر ماسک پہننے لازمی قرار دے دیا گیا تھا۔ بنگلہ دیش کی صحت کی خدمات سروس کے مطابق گزشتہ 24 گھنٹوں کے دوران ملک بھر میں کورونا وائرس سے متاثرہ 2 ہزار 139 نئے کیسز رپورٹ ہوئے جبکہ 21 اموات ہوئی ہیں۔ نئے رپورٹ ہونے والے کیسز کے بعد ملک بھر میں کورونا وائرس سے متاثرہ کیسز کی مجموعی تعداد 4 لاکھ 34 ہزار472 تک پہنچ گئی جبکہ 6 ہزار 215 اموات ہوئی ہیں۔