اسلام آباد (ڈیسک)وفاقی وزیر برائے منصوبہ بندی ترقی واصلاحات وخصوصی اقدامات احسن اقبال نے کہا ہے کہ بلوچستان کے نوجوان ہمارا قیمتی اثاثہ ہیں۔

انہیں قومی دھارے میں شامل کرنا ہماری اولین ترجیح ہے۔ان خیالات کا اظہار انہوں نے منگل کو بلوچستان میں اعلی تعلیمی منصوبوں کے بارے میں اپنی زیر صدارت جائزہ اجلاس میں گفتگو کرتے ہوئے کیا۔ اجلاس میں ایچ ای سی کے عہدہداران کی شرکت کی۔اس موقع پر وفاقی وزیر نے کہا کہ بلوچستان کے نوجوان ہمارا قیمتی اثاثہ ہیں اور انہیں قومی دھارے میں شامل کرنا ہماری اولین ترجیح ہے۔ انہوں نے کہا کہ بلوچستان میں یونیورسٹیز کے لئے پانچ ہزار نئے سکالر شپس کی سکیم تیار کی جائے،بلوچستان کے نوجوانوں کو تعلیم اور روزگار کے اعلی مواقع فراہم کئے جائیں گے۔انہوں نے کہا کہ سکالرشپس پروگرامز میں شفافیت اور میرٹ کو یقینی بنایا جائے،بلوچستان میں وفاقی حکومت کے تحت زیر تعمیر جامعات کو جلد مکمل کیا جائے۔ وفاقی وزیر نے کہا کہ زیر تعمیر جامعات کے منصوبوں میں کوالٹی پہ سمجھوتہ نہیں ہو گا۔