کوئٹہ (نیوز ڈیسک) بلوچستان میں مون سون بارشوں کے باعث حادثات کے دوران ہونے والی ہلاکتوں کی تعداد 14 ہوگئی۔
محکمہ پی ڈی ایم اے کی رپورٹ کے مطابق لورالائی میں 2 بچوں کے سیلابی ریلے میں بہہ جانے کے بعد بلوچستان میں مون سون بارشوں سے ہلاکتوں کی تعداد 14 ہوگئی ہے۔
رپورٹ کے مطابق لورالائی میں3، ژوب اور نصیر آباد میں 2،2 افراد جاں بحق ہوئے، آواران، قلعہ سیف اللہ، خضدار، ڈیرہ بگٹی، پشین، کیچ اور جھل مگسی میں بارشوں کے باعث ایک ایک ہلاکت ہوئی، بارشوں سے صوبے میں 14 افراد زخمی بھی ہوئے۔
رپورٹ میں بتایا گیا ہے کہ بارشوں سے صوبے میں 332 مکانات مکمل اور 334 جزوی طور پر تباہ ہوئے۔
علاوہ ازیں صوبے میں 8 کلو میٹر روڈ بہہ گیا جبکہ 320 سولر پلیٹس کو نقصان پہنچا۔