You are currently viewing بلاول بھٹو زرداری کی فرانسیسی ہم منصب سے مصر میں ملاقات

بلاول بھٹو زرداری کی فرانسیسی ہم منصب سے مصر میں ملاقات

مصر (ڈیسک) وزیر خارجہ بلاول بھٹو زرداری اور فرانس کی وزیر خارجہ کیتھرین کولونا کے درمیان مصر میں ملاقات ہوئی۔ ملاقات میں باہمی دلچسپی کے امور سمیت باہمی تعلقات پر تبادلہ خیال کیا گیا۔ وزیرمملکت برائے امور خارجہ حنا ربانی کھر بھی اس موقع پر موجود تھیں۔ وزیر خارجہ بلاول بھٹو زرداری نے فرانس کی جانب سے پاکستان کے سیلاب سے متاثرہ افراد کی مدد پر وزیر خارجہ کیتھرین کولونا کا شکریہ ادا کیا۔ پاکستان اور فرانس کے وزرائے خارجہ نے موسمیاتی تبدیلیوں کا مقابلہ کرنے کے لیے ساتھ مل کر چلنے پر اتفاق کیا۔ بلاول بھٹو زرداری نے فرانس کے صدر ایمانوئیل میکرون کے موسمیاتی تبدیلیوں سے مقابلے کے لیے اقدامات کو بھی سراہا۔ اس موقع پر فرانسیسی وزیر خارجہ نے موسمیاتی تبدیلیوں سے مقابلے کے لیے پاکستان کی عالمی امداد کے حوالے سے مکمل تعاون کی یقین دہانی کرائی۔

نیوز پاکستان

Exclusive Information 24/7