اسلام آباد (ڈیسک) نیشنل الیکٹرک پاور ریگولیٹری اتھارٹی (نیپرا)کے فیصلے کے مطابق 6ماہ کے لیے سہ ماہی ایڈجسٹمنٹ کی مد میں 101سے 200یونٹ ماہانہ استعمال کرنیوالے نان پروٹیکٹڈ صارفین کو بجلی 36روپے فی یونٹ فروخت کی جائے گی۔
ذرائع کے مطابق اکتوبر 2023سے مارچ 2024تک فی یونٹ 2روپے 40پیسے اضافی بوجھ ڈالا جائے گا۔
ستمبر کے بعد سہ ماہی ایڈجسٹمنٹ کا پہلے سے لگا ایک روپے 24 پیسے فی یونٹ اضافہ ختم ہوجائے گا اور نئی ایڈجسٹمنٹ 3 روپے 28پیسے کے بجائے 2روپے 40پیسے فی یونٹ رہ جائے گی۔
سہ ماہی ایڈجسٹمنٹ کا اطلاق پروٹیکٹڈ اور نان پروٹیکٹڈ صارفین دونوں پر کیا جائے گا، ماہانہ 100یونٹ تک پروٹیکٹڈ صارفین کے لیے فی یونٹ17روپے 7پیسے ہو گا۔
جبکہ ماہانہ 101سے 200یونٹ والے پروٹیکٹڈ صارفین کیلئے بجلی فی یونٹ 19روپے 86 پیسے ہوجائے گا۔
اطلاعات کے مطابق نان پروٹیکٹڈ گھریلو صارفین کےلیے فی یونٹ 28روپے 16پیسے کا ہوجائے گا اور ماہانہ 101سے 200یونٹ استعمال پرنان پروٹیکٹڈصارفین کیلئے فی یونٹ 35روپے 92پیسے کا ہو جائے گا۔
حکومت کی منظوری کے بعد سہ ماہی ایڈجسٹمنٹ کا اطلاق کراچی سمیت ملک بھر کے صارفین پر ہوگا البتہ لائف لائن گھریلو صارفین سہ ماہی ایڈجسٹمنٹ سے مستثنیٰ ہوں گے۔
یپرا کے مطابق صارفین کو ہر ماہ 3 روپے 28 پیسے فی یونٹ کے حساب سے ادائیگی کرنا ہوں گی اور اس اضافے کا اطلاق کے الیکٹرک صارفین پر بھی ہوگا۔
یاد رہے کہ نیشنل الیکٹرک پاور ریگولیٹری اتھارٹی (نیپرا) نے سہ ماہی ایڈجسٹمنٹ کی مد میں بجلی 3 روپے 28 پیسے فی یونٹ مہنگی کی ہے۔