اسلام آباد (نیوز ڈیسک) ایل پی جی کا گھریلو سلنڈر 246 روپے 15 پیسے مہنگا کر دیا گیا، اوگرا نے نئی قیمت کا نوٹیفکیشن جاری کردیا۔
آئل اینڈ گیس ریگولیٹری اتھارٹی کے نوٹیفکیشن کے مطابق فی کلو لیکویفائیڈ پیٹرولیم گیس 20 روپے 86 پیسے مہنگی کردی گئی ہے۔
حالیہ اضافے کے بعد فی کلو ایل پی جی کی نئی قیمت 260 روپے 98 پیسے ہوگئی۔
ایل پی جی کے 11.8 کلو گرام کے گھریلو سلنڈر کی نئی قیمت 3079 روپے 64 پیسے مقررکی گئی ہے۔
نوٹیفکیشن کے مطابق ایل پی جی قیمت میں اضافے کا اطلاق یکم اکتوبر سے ہوگا۔