راولپنڈی (نیوز ڈیسک) اڈیالہ جیل میں کٹر کے وار کرکے حوالاتی کو شدید زخمی کرنے والے قیدی کے خلاف مقدمہ درج کرلیا گیا۔
تھانہ صدر بیرونی پولیس کے مطابق قتل کے مقدمہ میں گرفتار آتش حسین نے انجم نامی حوالاتی کو جھگڑے کے دوران خود ساختہ کٹر کے وار کرکے شدید زخمی کردیا، انجم کی گردن، سر اور کندھے پر زخم آئے۔
پولیس کے مطابق زخمی حوالاتی کا طبی معائنہ کروانے کے بعداسسٹنٹ سپرنٹنڈنٹ اڈیالہ جیل عمران شہزاد کی مدعیت میں آتش حسین کے خلاف مقدمہ درج کرلیا گیا ہے۔
جیل انتظامیہ کے مطابق حوالاتیوں کے مابین لڑائی چکر مسجد کے قریب پیش آیا تھا جس کے گواہ چیف وارڈر نواب خان اور وارڈر ریاض اقبال ہیں۔
اڈیالہ جیل میں کٹر کے وار سے حوالاتی شدید زخمی، قیدی کیخلاف مقدمہ درج
