کراچی (ڈیسک) پاکستان میں امریکی ڈالر کی قدر میں اضافے کا سلسلہ آج بھی جاری رہا۔
اسٹیٹ بینک آف پاکستان کی جانب سے جاری اعداد و شمار کے مطابق انٹربینک میں ڈالر کی قیمت میں 5 پیسے کا اضافہ ہوا ہے۔ انٹربینک میں کاروبار کے اختتام پر ڈالر کی قیمت227 روپے 93 پیسے ہے جبکہ گزشتہ روز کاروبار کے اختتام پر انٹربینک میں ڈالر 227 روپے 88 پیسے کا تھا۔ اوپن مارکیٹ میں ڈالر ایک روپیہ مہنگا ہوا ہے۔ اوپن مارکیٹ میں کاروبار کے اختتام پر ڈالر 238 روپے کا ہے۔