واشنگٹن (ڈیسک)امریکہ میں کورونا وائرس سے متاثرہ افراد کی تعداد 3 کروڑ 43 لاکھ 77 ہزار سے تجاوز کرگئی جبکہ ملک بھر میں وائرس کے باعث اب تک 6 لاکھ16 ہزار سے زائد افراد ہلاک ہوچکے ہیں۔

جمعہ کو امریکی ذرائع ابلاغ کے مطابق ملک میں کورونا وائرس کے مریضوں کی مجموعی تعداد34377592 تک پہنچ گئی ہے۔ امریکی محکمہ صحت کے حکام کے مطابق ملک میں کورونا وائرس کے فعال متاثرین کی تعداد5119713 ہے جبکہ مہلک وائرس سے ملک میں اب تک616440افراد ہلاک ہوچکے ہیں۔ امریکی حکام کے مطابق ملک میں اب تک کورونا وائرس سے متاثرہ28641439 افراد صحتیاب ہوچکے ہیں۔ امریکہ کی بعض ریاستوں میں کورونا وائرس کے کیسوں کی تعداد میں اضافہ ہورہا ہے۔ یہ امر قابل ذکر ہے کہ دنیا بھر میں امریکہ کورونا وائرس کی وبا سے سب سے زیادہ متاثرہ ملک ہے۔ امریکہ میں کورونا وائرس کے پہلے کیس کی تشخیص 22 جنوری 2020کو ہوئی تھی۔ امریکہ میں اب تک 31 کروڑ 29لاکھ سے زیادہ افراد کو کورونا وائرس سے بچانے کی ویکسین لگائی جاچکی ہے۔