کابل (نیوز ڈیسک) افغان طالبان نے دعویٰ کیا ہے کہ پاکستان کے خلاف سرحد پار حملے کرنے پر 200 مشتبہ عسکریت پسندوں کو گرفتار کرلیا گیا ہے۔
امریکی خبر رساں ادارے کی رپورٹ کے مطابق طالبان نے کالعدم ٹی ٹی پی کے خلاف کارروائیوں کی تفصیلات گزشتہ ہفتے کابل میں پاکستان کے اعلیٰ سطح کے وفد سے مذاکرات میں بتائیں۔
رپورٹ کے مطابق طالبان کے سپریم لیڈر ہیبت اللہ اخوندزادہ نے اپنی فورسز کو پاکستان کے خلاف سرحد پار حملوں سے منع کر دیا ہے اور حملوں کو حرام اور غیر اسلامی قرار دیا ہے۔
اخوند زادہ نے افغان عوام کو بھی حکم دیا ہے کہ وہ کالعدم ٹی ٹی پی کےساتھ کوئی تعاون نہ کریں اور نہ ہی انہیں عطیات دیں۔