You are currently viewing اسٹاک ایکسچینج میں تیزی کا رجحان، انڈیکس 38 ہزار سے تجاوز کر گیا

اسٹاک ایکسچینج میں تیزی کا رجحان، انڈیکس 38 ہزار سے تجاوز کر گیا

کراچی(ڈیسک) پاکستان اسٹاک ایکسچینج میں آج تیزی کا رجحان دیکھا گیا، 100 انڈیکس 38 ہزار پوائنٹس سے تجاوز کرگیا۔

تفصیلات کے مطابق آج  اسٹاک مارکیٹ میں تیزی کا رجحان دیکھا گیا، 100 انڈیکس میں 620 پوائنٹس کا اضافہ ہوا جس کے بعد انڈیکس 38 ہزار 742 پوائنٹس پر ٹریڈ کر رہا ہے۔ رواں ہفتے دو دن قبل اسٹاک مارکیٹ میں مندی کا رجحان دیکھا گیا تھا۔ منگل کے روز انڈیکس میں 38 ہزار پوائنٹس کی نفسیاتی حد برقرار نہ رہ سکی۔ دن کے اختتام تک 100 انڈیکس میں 374 پوائنٹس کی کمی ریکارڈ کی گئی جس کے بعد انڈیکس 37 ہزار 839 پوائنٹس پر بند ہوا تھا۔ منگل کے روز 48 کروڑ 80 لاکھ حصص کا کاروبار ہوا تھا، حصص کی مالیت 11 کروڑ 80 لاکھ ڈالر رہی۔ منگل کو ہونے والا کاروباری حجم 30 ماہ کی بلند ترین سطح کا حجم تھا۔

Staff Reporter

Rehmat Murad, holds Masters degree in Literature from University of Karachi. He is working as a journalist since 2016 covering national/international politics and crime.