اسلام آباد (ڈیسک) ہائیکورٹ نے ممنوعہ فنڈنگ کیس میں چیئرمین پاکستان تحریک انصاف عمران خان کی ضمانت منسوخی کی درخواست مسترد کردی۔
اسلام آباد ہائیکورٹ کے جسٹس محسن اختر کیانی اور جسٹس طارق محمود جہانگیری نے درخواست کی سماعت کی۔
وفاقی تحقیقاتی ادارے ( ایف آئی اے) نے 28 فروری کو بینکنگ کورٹ کے فیصلے کے خلاف اسلام آباد ہائیکورٹ میں درخواست دائر کی تھی۔
درخواست میں موقف اختیار کیا گیا کہ بینکنگ کورٹ کا فیصلہ خلاف قانون ہےجسے کالعدم قرار دے کر عمران خان کی ضمانت منسوخ کی جائے۔
جسٹس محسن اختر کیانی اور جسٹس طارق محمود جہانگیری نے محفوظ فیصلہ سناتے ہوئے شریک ملزم طارق شفیع کی ضمانت منسوخ کرنے کی درخواست بھی مسترد کر دی۔