اسلام آباد (نیوز ڈیسک) وفاقی دارالحکومت اور پشاور سمیت ملک کے مختلف شہروں میں زلزلے کے جھٹکے محسوس کیے گئے۔
زلزلہ پیما مرکز کے مطابق زلزلے کی شدت 6 ریکارڈ کی گئی جس کا مرکز کوہ ہندوکش افغانستان تھا، زلزلہ 2 بج کر 20 منٹ پر آیا جس کی زیر زمین گہرائی 213 کلومیٹر تھی۔
زلزلے کے جھٹکے کوہاٹ، سرگودھا، ایبٹ آباد، خوشاب، چارسدہ، ڈی آئی خان، بنوں، ہنگو، دیامر، پارا چنار، منڈی بہاءالدین، بھکر، نوشہرہ، مظفرآباد، وادی نیلم آزاد کشمیر، شیخوپورہ، پاکپتن اور گوجرانوالا میں بھی محسوس کیے گئے۔
زلزلے کے باعث عوام کی بڑی تعداد گھروں اور دفاتر سے باہر نکل آئی۔
زلزلے سے تاحال کسی جانی و مالی نقصان کی کوئی اطلاع موصول نہیں ہوئی۔